2021թ-ի Հունվարի 19-ին Նկարիչների միության առաջին հարկի ցուցասրահում տեղի ունեցավ «Կամք, Իմաստություն, Սեր» խորագիրը կրող՝ հայ արվեստագետների բացառիկ ցուցահանդեսի բացումը: Վարդգես Սուրենյանց, Ե. Թադևոսյան, Հակոբ Գյուրջյան, Գրիգոր Խանջյան, Մինաս Ավետիսյան, Սերգեյ Փարաջանով և մի շարք անվանի հայ արվեստագետներ հանդես եկան Հիսուս Քրիստոսի կերպարը ներկայացնող իրենց լավագույն ստեղծագործություններով: Արդի հայ արվեստագետների աշխատանքների հետ համատեղ ցուցադրվելու են Մայր Աթոռ Սուրբ էջմիածնի, Հայաստանի ազգային պատկերասրահի, Սերգեյ Փարաջանովի թանգարաններից ընդգրկված աշխատանքներ: Ցուցահանդեսը կոչված է վերանայելու մեր ապրած դարաշրջանը՝ հայոց ոգին ամրացնելով «կամքի, սիրո և իմաստության առժեքներով»:
Արման Պողոսյանի բլոգ 